Fundaziun

La Fundaziun ha las seguaintas meras per l’Engiadina e la Val Müstair:

• la promoziun generala da la vita culturala in Engiadina e Val Müstair;
• il sustegn dad activitats sco cuors, referats etc. chi’s drizzan a tuot la populaziun e chi promouvan ils contacts socials ed il sustegn dad activitats fisicas e psichicas;
• la promoziun da spüertas da scolaziun supplementara, pustüt per persunas chi lavuran in l’agricultura.

Per accumplir quista mera, promova la Fundaziun la realisaziun dad activitats chi correspuondan a las meras da la fundaziun e pussibiltescha l’organisaziun da quistas illa Chasa Fliana a Lavin. Priorità han las activitats da la Società Lö d’inscunter Chasa Fliana. Implü administrescha e mantegna la Fundaziun la Chasa Fliana a Lavin.
La Fundaziun es d’ütil public e nu perseguitescha ingüns böts commercials e nun es neir orientada al guadogn.
La Fundaziun s’abstegna da tuotta actività politica.

• Jachen Erni, Präsident, Scuol
• Annastasia Parli, S-chanf
• Gion Peider Mischol, Zernez

L'iniziativa "Cumüns d'alpinists" unischa cumüns chi sun pioniers da l'alpinissem in lur regiuns. Perquai han muntognas e l'ir in muntogna üna gronda valur per l'identità culturala dad indigens e giasts. Qua es l'immaint davart l'accord tanter la natüra e l'uman amo vital e cunfins natürals vegnan respetats. Ils Cumüns d'alpinists dals clubs alpins correspuondan uschè in möd special a las meras da la Convenziun da las Alps chi perseguitescha ün svilup persistent in tuot il territori alpin.
Lavin, Guarda ed Ardez sun insembel daspö la stà 2021 ufficialmaing ün Cumün d'alpinists. Intant es eir la Chasa Fliana üna partenaria.

I'l chantun il plü a l'ost da la Svizra es il muond amo uschè sco ch'el d'eira dal temp da noss tats e nossas tattas. 170 kilometers quadrat natüra, illa quala l'uman nun ha plü intervgnü daspö tschient ons in seis svilup. Avant raduond tschient ons han fundà visiunars il Parc Naziunal Svizzer ed uschè creà ün'oasa unica da la natüra. Lur mera: Mantegner in Engiadina üna cuntrada sulvadia primara per las generaziuns venturas. Il cumün da Lavin, üna fracziun dal cumün da Zernez, cun var 200 abitants es il punct da partenza per la planüra da lais sü Macun chi vain nomnada jent eir la perla dal Parc Naziunal.
Ulteriuras infuormaziuns in reguard als Cumüns d'alpinists as chatta suot: bergsteigerdoerfer.org