Warning: Parameter 2 to qtranxf_postsFilter() expected to be a reference, value given in /home/chasafli/public_html/wp-includes/class-wp-hook.php on line 298
Program cultural |

Program cultural

Cuors e referats 2018 da la Fliana han cumanzà

Meis mal es l’increschantüm

Ün sguard sün l’emigraziun grischuna dals pastiziers e cafetiers

DA BENEDICT STECHER / ANR

Il lö d’inscunter Chasa Fliana Lavin ha invidà ad interessats als cuors e referats cha la Società Lö d’inscunter organisescha. Il prüm referat da Peter Michael-Caflisch davart l’emigraziun ha gnü lö mardi passà.

«Quist on s’han annunzchadas 78 duonnas ed homens chi piglian part als cuors. L’on passà vaina gnü 87 partecipants e divers sun, our da motivs da sandà, plü da la partida», cun quists pleds ha salüdà Jachen Erni, il president da la Società Lö d’inscunter Chasa Fliana Lavin, ils preschaints al referat. La società invida adüna d’utuon interessadased interessats als cuors e referats da tuot gener illa sala polivalenta a Lavin. Il cumainzamaint dals cuors, chi düran dals 23 d’october fin als 11 da december 2018, es stat mardi passà cul referat da Peter Michael-Caflisch dad Arezen cul titel «Ün tschüt sün l’emigraziun grischuna dals pastiziers e cafetiers». Michael ha emigrants in sia famiglia e perquaitil interessa quist tema. «Eu n’ha emigrants in America, in Russia ed ün paraint sursilvan da mai es naschü a Krakau sco figl d’ün pastizier da Vuorz e dad üna cameriera da Schons. Quists fats m’han interessà in möd ch’eu n’ha cumanzà a far perscruttaziuns ch’eu preschaint hoz qua a Lavin.» Il manster da pastizier cumpigliaiva plüssas lavuors: «Els faivan glatsch, brastulaivan café, prodüaivan pastinas, destillaivan vinars e licörs, faivan frütta candida e biera, tschiculattas, limonadas, confitüras e pan e stuvaivan vender e servir tuot quels prodots a la cliantella.» Indicaziuns precisasas chatta aint il cudesch «Der Schweizer Zuckerbäcker» da Giaccomo Perrini, chi’d es cumparü dal 1852.

Pastiziers e cafetiers grischuns in tuot l’Europa

Sper schurmas da pastiziers in tuotl’Europa ha Michael preschantà ün pêr d’els in seis referat a Lavin. « Gian Andrea Robbi da Silvaplana spordschaiva dal 1818 in sia pastizaria cun cafè a Hannover var 300 prodots, tanter quels na mainco 70 differentas tuortas», ha manzunà il referent. Ils prüms pastiziers grischuns as chattaiva, tenor Peter Michael, a Venezia. Noms sco Bonorand, Cadosch, Zompini, de Castelmur, Steiner, Könz, Zonder, Poltera e blers oters plü vegnan avant in sias retscherchas. I’l 16avel tschientiner ha la republica da las Trais Lias fat divers contrats cun la republica veneziana. Quels permettaivan als Grischuns il commerzi liber i’l territori da Venezia e contuorns chi cumpigliaiva eir grondas parts da la Lombardia e cunfinaiva in Vuclina cullas Trais Lias. Adüna daplüs Grischuns tscherchaivan perquai lur furtüna a Venezia. Bainbod dominaivan ils Grischuns la corporaziun veneziana e las autoritats nu vezzaivan gugent cha’l guadogn dals Grischuns gniva transferi per part a l’ester. Da l’on 1764 sun perquai gnüts desdits tuot ils contrats e la corporaziun veneziana ha sbandi duos ons plü tard tuot ils Grischuns refuormats da seis territori. «Mia documentaziun nun es cumpletta, ma ella cumpiglia hoz 15 169 persunas chi sun emigradas dal Grischun ed han lavurà a l’ester illa branschadutsch-amara.» Michael ha preschantà üna glista cun 2853 persunas da l’Engiadina Bassa, da Zernez fin a Tschlin chi sun emigradas.

L’emigraziun ha gnü eir disavantags

«Adüna darcheu vain argumentà cha la surpopulaziun dals cumüns, la s-charsdàdal terrain o la povertà sajan la cuolpa da l’emigraziun. Però suvent d’eira il sömmi da guadagnar blers raps obain da lavur ligera il motiv per ir al ester.» Sper quels chi han fat lur via i’l ester s’invlida gugent fich blers chi stuvaivan lavurar suot cundiziuns desastrusas fin a 15 uras e daplü al di e dormir insembel cun duos o trais oters in ün let. Blers sun morts fingià fich bod. Blers quintaivan da lur increschantüm per lur patria ed oters han schmaladi la decisiun dad ir a l’ester. Sper tuot las bellas istorgias haja eir dat la gronda malcuntantezza.

Survista cuors

Cuors generals in gruppas

  1. Lavurs a man da tuot gener cun Mengia Bonifazi, Lavin (il transport fin pro‘l local da lavur es organisà). / Handarbeiten aller Art mit Mengia Bonifazi, Lavin, (Transport zum Arbeitsraum ist organisiert).
  2. Pitturar cun culurs d’aquarel cun Cilgia Nogler, Bever / Malen mit Aquarellfarben mit Cilgia Nogler, Bever
  3. Calligrafia, differentas scrittüras ed ornamaints cun üna penna speciala cun Christa Pinggera, Zernez / Kalligrafie, verschiedene Schriften und Verzierungen mit einer Spezialfeder mit Christa Pinggera, Zernez.
  4. Giovar teater cun Ottilia Cavelty-Ritz, Ftan / Theater spielen mit Ottilia Cavelty-Ritz, Ftan.
  5. Fieutrar bes-chas e fluors cun Gaby Famos, Vnà / Tiere und Blumen filzen mit Gaby Famos, Vnà.
  6. Gimnastica per restar corporalmaing e mentalmaing fits cun Anny Unternährer, Scuol / Gymnastik um körperlich und mental fit zu bleiben, mit Anny Unternährer, Scuol.
  7. Pitschnas figüras in lain cun Peter Jud, Pany / kleinere Fundholzsfiguren mit Peter Jud, Pany.
  8. Cuors da cuntinuaziun per laptop cun Duri Denoth, Sent. Introducziun a la calculaziun da tabellas cun Excel. Premissas: agen laptop cun “Excel”, cugnuschentschas da basa dal PC. / Aufbaukurs für Laptop mit Duri Denoth, Sent. Tabellenkalkulation-Einführungskurs mit Excel. Voraussetzungen: eigener Laptop mit Excel, PC-Grundkenntnisse.
  9. Atelier da scriver: no scrivain vi da nossas istorgias da vita, manader Beat Senn, Zizers / Schreibwerkstatt: wir schreiben an unseren Lebensgeschichten, Leiter Beat Senn, Zizers.

TextBeatSennDetagls

Cuors per pauras e paurs

  1. Sandà da vadels: Il cuors spordscha üna survista da las malatias da vadels (diarrea e vias respiratoricas) cun üna part pratica sün ün bain pauril a reguard clima in stalla. Il cuors as drizza a producents da lat e da charn. Kälbergesundheit: Überblick über Durchfall- und Atemwegserkrankungen mit einem praktischen Teil in einem Stall zum Thema Stallklima. Der Kurs richtet sich an Milch- und Fleischproduzenten. Lö / Ort Zernez, data / Datum 07.11.2018, termin d’annunzcha / Anmeldeschluss 15.10.2018, urari / Zeit 10:00 – 12:00 h & 13:30 – 15:30 h, referents / Referenten Dr. med. vet. FVH Benjamin Biner, Clinica Alpina, Scuol & Gianna M. Peer, Plantahof.
  2. Tips e trics pel büro: L’administraziun illa agricultura crescha vieplü ed id es fich important dad avair la survista e savair ingio chi’s chatta che./ Tips und Tricks im Büro: Die Administration in der Landwirtschaft nimmt jährlich zu. Darum ist es wichtig im Büro die Übersicht zu behalten und zu wissen wo man was findet. Das detaillierte Programm folgt nach der Anmeldung. Lö / Ort: Lavin, data / Datum 31.01.2019, termin d’annunzcha / Anmeldeschluss, 04.01.2019, urari / Zeit: 13:30 – 16:00 h. referent / Referenten Reto Lamprecht, Plantahof.

Persunas da contact / Kontaktpersonen

Cuors generals / allgemeine Kurse: Annina Erni, Crastuoglia Sura 707, 7550 Scuol, tel. 081 864 08 89, e-mail: anninaerni@sunrise.ch

Cuors per pauras e paurs / Kurse für Bäuerinnen und Bauern: Gianna Martina Peer, Stradun 403A, 7550 Scuol tel. 081 257 60 80, e-mail: giannamartina.peer@plantahof.gr.ch

Annunzcha2018

Referats

Sala polivalenta Lavin

23.10.2018, 09:15 h. “Mieu mel es l’increschantüna – Ün tschüt sün l’emigraziun grischuna da pastiziers e cafetiers”, referat da Peter Michael-Caflisch, Arezen, Stussavgia (rumantsch). Ils mansters da pastiziers e cafetiers a l’ester, piglian aint, in l’istorgia da la cultura e da l’economia dal Grischun, üna posiziun remarchabla. Ils mansterans famus as chatta fin pro la prüma guerra muondiala in tuot las citats grondas in Europa.
30.10.2018, 09:15 h. «Ouvra Clemgia – Il cumanzamaint da l’electrisaziun in Engiadina Bassa», referat da Reto Vitalini, Scuol (rumantsch). Las lavurs da fabrica per l’ouvra electrica nu d’eiran simplas. Id ha stuvü gnir fabrichà üna gallaria d’üna lunghezza da 676 meters ed üna lingia da pressiun da 98 meters otezza chi maina fin pro l’ouvra electrica. Ils 1. avuost 1903 han glüschi a Scuol per la prüma jada las glüms electricas. Per la populaziun es quai stat ün evenimaint inschmanchabel. In mincha cas cun l’introducziun da l’electricità ha per Scuol e per l’Engiadina Bassa cumainzà üna nouva epocha. Quist svilup ha gnü eir ün rebomb sül turissem.
06.11.2018, 09:15 h. «Richtig Essen im Alter. Eine Herausforderung!?» Vortrag von Doris Berther, Dipl. Ernährungsberaterin BsC FH, (deutsch). Mit zunehmendem Alter verändert sich der Körper und damit auch der Stoffwechsel. Dies bringt Auswirkungen auf die Ernährung mit sich. Der Bedarf an Nährstoffen bleibt gleich oder erhöht sich, der Energiebedarf aber sinkt. Wie sieht eine ausgewogene Ernährung im Alter aus? Welche Nährstoffe sind wichtig? Woraus setzt sich ein ideales Menü zusammen? Diese und weitere Aspekte zum Thema richtig Essen im Alter werden in diesem Vortrag aufgezeigt und diskutiert, damit es eben keine Herausforderung ist!
13.11.2018, 09:15 h. «La musica populara da l’Engiadina», referat da Jachen Erni, cun cooperaziun da la Chapella Erni, (rumantsch). Musica populara qualifichescha la musica tradiziunala, suvent transmissa sainza notas. Per singulas culturas regiunalas es ella caracteristica. In che maniera as disferenzchescha la musica populara da l’Engiadina a quella dad otras regiuns? Cun quista dumonda s’occupa il referent, chi’d es daspö passa 60 ons ün musicist popular paschiunà.
20.11.2018, 09:15 h. «Uffants e medias nouvas: tanter schanzas e sfidas», referat da Madlaina Semadeni, psicoterapeuta pro la psichiatria d’uffants e giuvenils in Grischun, (rumantsch). “Medias nouvas sun ün tema omnipreschaint illas famiglias d’hozindi chi causescha adüna darcheu malsgürezzas e conflicts. Quist referat dess dar infuormaziuns ed agüds concrets per genituors”.
27.11.2018, 09:15 h. «Depression und Therapiemöglichkeiten», Vortrag sowie Vorlesung und Erzählung aus den fünf eigenen Büchern» von Dr. med. Melitta Breznik (deutsch). Auch bei der Vorlesung werden verschiedene psychiatrische Themen zur Sprache kommen, wie Alkoholismus, Burnout und Depression, Traumata und deren Weitergabe an die nächste Generation, Schizophrenie. Die in Sent wohnhafte österreichische Ärztin und Schriftstellerin hat in diesem Jahr den mit 10’000 Franken dotierten Bündner Literaturpreis für ihr literarisches Werk bestehend aus Erzählungen und Romanen erhalten.
04.12.2018, 09:15 h. «Jakobsweg», referat da Gian Clalüna, (rumantsch). Istorgias ed inscunters dürant set ons sün la via da pelegrinadi – per spagnöl: camino de Santiago – da Segl-Maria fin Santiago de Compostela in Spogna. Geschichten und Begegnungen während sieben Jahren auf den Jakobsweg von Sils -Maria bis Santiago de Compostela in Spanien.
11.12.2018, 09:15 h. «Bunura d’Advent» cun prelecziun our dal cudesch «Jahreszeiten – Lebenszeiten», Bäuerinnen und Bauern erzählen, e chant avert cun Mario Oswald, Ramosch. In tal cudesch as chatta eir üna contribuziun scritta da Uorschlina Etter-Clavadetscher, San Niclà, Strada. «Adventvormittag» mit Vorlesung aus dem Buch «Jahreszeiten – Lebenszeiten», Bäuerinnen und Bauern erzählen, und offenes Singen – mit Mario Oswald, Ramosch. In diesem Buch findet man auch einen Beitrag von Uorschlina Etter-Clavadetscher, San Niclà, Strada.

 

Entrada  CHF 10.- (partecipantas e partecipants als cuors, gratuit

Cordialmaing invida il comitè d’organisaziun.


Warning: Parameter 2 to qtranxf_postsFilter() expected to be a reference, value given in /home/chasafli/public_html/wp-includes/class-wp-hook.php on line 298