Program cultural

Cuors e referats 2023 da la Fliana

Sün incumbenza da la suprastanza da la Società Lö d’inscunter Chasa Fliana Lavin, organisescha il comitè eir quist on ils cuors, cumbinà cun referats. Il program dals cuors generals cumainza als 24 october 2023 e düra fin als 12 december 2023, mincha mardi da las 9:15 h fin a las 16:30 h. L’avantmezdi es reservà per referats e discussiuns davart da temas actuals. Il davomezdi han lö divers cuors in gruppas.

INVID / EINLADUNG

Cuors generals 24.10.2023 – 12.12.2023

Survista cuors

Cuors generals in gruppas

  1. Lavurs a man da tuot gener (spaits, crötsch, recham liber)
    cun Claudia Schlumpf, Zuoz.
  2. Fieutrar chasinas ed anguels
    nus imprendain a fieutrar bletsch cun Cornelia Balz, Samedan. Daplü infuormaziuns …
  3. Cusir cun la maschina per minchün, differents ogets, regals e decoraziuns pel minchadi cun rests da stoffa
    cun Nesa Hugentobler, Sent. Daplü infuormaziuns …
  4. Atelier dad aquarel
    cun Ursina Ganzoni (Sent)
  5. Tagls da forsch per minchün
    cun Dora Erny, Sent. Daplü infuormaziuns …
  6. Co fetscha adöver dal handy?
    Per persunas chi lessan gnir plü sgüras cun douvrar il handy sco assistent/agüd
    i‘l minchadi cun Duri Denoth, Sent.
  7. Cuors creativ: decoraziuns cun fluors da stoffa, 2x cun Bettina Adank, Daplü infuormaziuns …
    Sgrafiti, 1x cun Josin Neuhäusler, Daplü infuormaziuns …
    Cransins cun fluors sechas, crans d‘Advent e decoraziuns cun crappa, 4x cun Bigi Kohl, Ramosch. Daplü infuormaziuns …
  8. Gimnastica, per restar corporalmaing e mentalmaing fit
    cun Anny Unternährer, Scuol.
  9. Giovar a schach per minchün
    cun Andri Luzi, Cinuos-chel
  10. Giovar a tschinquina per minchün
    cun Silvia Steiner. Zernez

Annunzchar fin 8.09.2023 pro

Referats / Vorträge

24.10.2023 / 9:15h / Lavin, sala polivalenta/Mehrzweckhalle
„Strategias da surviver da bes-chas e plantas“ referat dad Anna Mathis, Scuol (rumantsch)
L’inviern es fraid e lung e pavel daja pac. Co survivan las bes-chas l’inviern sainza pudair trar aint üna giacca da dauna, sainza pudair far fö in pigna e sainza pudair ir in butia a cumprar alch bun da magliar? E co fan quai las plantas, chi ston eir amo star adüna al listess lö?
—–

31.10.2023 / 9:15h / Lavin, sala polivalenta/Mehrzweckhalle
„L′Engiadina Bassa avant 200 ons“ referat da Paul Eugen Grimm, Ftan (rumantsch)
Evenimaints, persunalitats e descripziuns da viadi (p.ex. l′on da fomina, la fabrica da las vias, l′incendi da Sent, la fundaziun da la scoula a Scuol, la vendita dal chastè da Tarasp, Karl Völker a S-charl, Rosius à Porta ad Yverdon, Karl Kasthofer a Tarasp, Heinrich Keller a S-charl, Andreas Rudolf Planta a Ftan) cun blers citats originals ed illustraziuns.

—–

07.11.2023 / 9:15h / Lavin, sala polivalenta/Mehrzweckhalle
„Ausflug in die Dramatherapie“ Vortrag von Imke Marggraf, Scuol (Deutsch)
Wer auf einem Berg steht, kann frei rundum blicken. Wer vor einem Problem steht, kann das meist nicht, ist wie blockiert. Auf Berge zu steigen, kann neue Ideen bringen um Probleme zu lösen. Manchmal aber reicht das nicht, um (innerlich) weiterzukommen und frei zu werden. Hier setzt die Drama- und Theatertherapie an. Probier es einfach aus!

—–

14.11.2023 / 9:15h / Lavin, sala polivalenta/Mehrzweckhalle
„Cun metals cunter bacterias“ referat da Angelo Frei, Berna (rumantsch)
Antibiotics sun stats üna dallas grondas scuvertas dal 20avel tschientiner. Intant las bacterias han svilupà resistenza cunter bod tuot ils medicamaints e‘l svilup da nouvs antibiotics es stat abandunà dalla majoranza da l’industria. Per chattar nuovs möds per cumbatter bacterias resistentas mia gruppa da retschercha explora molecüls cun metals. Quists molecüls han qualitads antibioticas chi’ns impromettan bler pel futur.

—–

21.11.2023 / 9:15h / Lavin, sala polivalenta/Mehrzweckhalle
„Las cruschs cristianas conquistan las muntognas“ referat da Jon Mathieu (rumantsch bernais)
Eu sun istoriker e n‘ha fat retscherchas sur l‘attracziun religiusa da las muntognas. Aint il cristianissem as poja dovrar las cruschs sco indizis. Daspö ils ons 1800 conquistan quellas eir la pizza da las Alps. Al prüm be pacas e lura adüna daplü. Che quinta quist svilup sur da la cretta, la relaziun cun la natüra e las discussiuns confessiunalas?

—–

28.11.2023 / 9:15h / Lavin, sala polivalenta/Mehrzweckhalle
„Experienzas ed impreschiuns da 30 ons da lavur in pajais in svilup“ referat dad Andri Bisaz, Lavin (rumantsch)
Preschantaziun ed explicaziun da tschertas definiziuns e cifras a reguard da la Cooperaziun Svizra per il Svilup. Descripziun dad exaimpels concrets d‘agüd al svilup illa regiun dal Sahel in Africa e da l‘importanza da la cultura locala per il proceder da realisaziun e per il success da progets da svilup.

—–

05.12.2023 / 9:15h / Lavin, sala polivalenta/Mehrzweckhalle
„La crappa da l’Engiadina Bassa – cun gust!“ referat dad Anna Rauch, Sent (rumantsch)
La fanestra tectonica da l’Engiadina Bassa decleraina a man d’üna tuortuna: plüs biscuits vegnan stumplats ün sur tschel aint ed «erodats». Uschè as fuorma üna fanestra. Grazcha a quista analogia pudaina incleger la gronda diversità e l’istorgia da la crappa da la regiun – da las Dolomitas da l’Engiadina Bassa fin pro’l crap verd dal Piz Mundin.

—–

12.12.2023 / 9:15h / Lavin, sala polivalenta/Mehrzweckhalle
Prelecziun da Gianna Duschletta, chant d’Advent cun Christa Pinggera ed exposiziun da las lavurs dals cuors. Davo giantar, cafè, dessert e star da cumpagnia in Chasa Fliana.
Lesung von Gianna Duschletta, Singen mit Christa Pinggera und Ausstellung der Kursarbeiten. Anschliessend Mittagessen, Kaffee, Dessert und gemütliches Zusammensein in der Chasa Fliana.

Entrada / Eintritt CHF 10.- (partecipantas e partecipants als cuors, gratuit / Kursteilnehmende, gratis)

—–

Società lö d’inscunter Chasa Fliana Lavin

Rapport da gestiun: