Chasa da vacanzas per colonias
Lavin ha caracter e vita
Lavin es ün cumün da paurs chi’s rechatta d’immez l’Engiadina Bassa. Il fat cha l’architectura es influenzada dal Süd ha seis motivs i’l incendi desastrus dal 1869. Trais persunas attempadas sun mortas lapro e var 300 sun restadas sainza tet. La miseria es statta gronda ma eir la solidarità. La collecta da munaida, precursur da la Chadaina da furtüna, ha importà CHF 67‘207.25. Il don percunter s’ha muntà a raduond CHF 700‘000.-. La reconstrucziun dal cumün dess gnir fatta, tenor decisiun dal Pitschen Cussagl dal Grischun, tenor ün plan precis. Ils protocols dal cumün tradischan implü cha la gronda part dals accordants chi han refabrichà las chasas d’eiran Talians cun derivanza da la Lombardia.
Lavin es üna fracziun dal cumün da Zernez ed es magara autonom. Ils ca. 200 abitantas ed abitants e sia mansteranza sun fich activs. Lapro toccan ot paurarias agriculas, duos hotels cun restorant, ün bistro a la staziun, üna furnaria, üna giardinaria biologica (lur manaders fan d’inviern d’artists e prodüan keramica), ün installatör sanitari, duos falegnams (ün d’els fa guitarras) ed ün chanastrer. La populaziun ha salvà da maniera solidarica la butia da cumün ed ella pissera cha la butia possa exister a lunga vista. I vala la paina da tour suot ögl il cumün da Lavin. Nus ans allegrain da Lur visita.
Descripziun dal object
La Chasa per colonias da vacanzas spordscha plazza per ca. 40 persunas e guarda oura sco segua: Entrada vers süd gio’l plan suot cun access in chadafö*, piertan, local da garderoba , local per skis e giodan da depositar, local per as lavar, tualettas, local per süantar büschmainta, our il liber üna maisa per giovar a pingpong. Entrada vers nord i’l plan terrain in la sala gronda (fin 60 plazzas), chaista da ballapè, ascensur per mangiativas, sala pitschna (ca. 30 plazzas) cun paraid per stumplar, gronda terrassa. Tract da durmir sül prüm plan cun las trais chombras Zeznina, Piz Mezdi e Lavinuoz, üna chombra singula, üna dubla (atach da telefon [no. 081 862 27 37] cun atach da WLAN) sco eir indrizs sanitaris. Tract da durmir sül seguond plan cun las duos chombras Plans e Plattas e duos chombras dublas sco eir indrizs sanitaris.
*La chadafö es drizzada aint per cuschinar bain per fin 60 persunsas.
Predschs
Predschs racumandats per persuna e pernottaziun a partir da quatter dis.
| Descripziun plazzas da durmir |
Giuvenils
CHF
|
Creschüts
CHF
|
| Lets (pritschas) fin 30 persunas |
14.00 |
20.00 |
| Lets (pritschas) 31 fin 40 persunas |
13.50 |
19.00 |
| Lets illas stanzas |
24.00 |
24.00 |
Il consüm da forza, ils cuosts supplementars, la nettionda finala, taxa da cura e las spaisas da telefon vegnan missas in quint separadamaing.
Tour a fit / reservar
Per dumondas da reservaziun per plaschair contactar a nus cun indicaziun da temp e quantità da persunas sur
Anna Margaritta Filli
Somchants 3
7543 Lavin
Tel. 081 862 26 19
Natel: 077 479 03 79
chasafliana@bluewin.ch
Anna Margaritta Filli
Situaziun / arriv
A Lavin as riva bain cul tren o cul auto. Il viadi da tren via tunnel dal Vereina (pussibel eir da chargiar l’auto sül tren) importa davent da Turich be duos uras. Cun l‘auto as riva a Lavin sur ils pass dal Flüela, Alvra, Güglia, Malögia, Bernina o Fuorn. D’inviern es la colliaziun sgüra eir da l’Austria (tunnel da l‘Arlberg).
A la staziun da la Viafier retica as riva in trais minuts e pro la butia e la posta da cumün as riva a pè in duos minuts. Territoris da skis e loipas da passlung, Scuol-Ftan-Sent (a Ftan eir via da schlitra), Zuoz e Clostra. A Lavin eir Pony-Lift e via da schlitra. A Zernez (9 km) e Scuol (16 km) daja pussibiltats attractivas da far il bogn (bogn cuvert e Bogn Engiadina). Lö da partenza per far excursiuns multifarias d’inviern e d‘instà. Stupendas pussibiltats per far spassegiadas aint il Parc Naziunal e seis contuorns.
Sül territori da Lavin (fusiunà a partir dal 2015 cul cumün da Zernez) as rechattan ils incumparabels „Lais da Macun“. I’s tratta dad üna platta da lais cun daplü co 20 lais da muntogna plü pitschens e plü gronds. La gita alpina fin pro l’unica enclava, chi fa part daspö il 2000 dal Parc Naziunal Svizzer, es extraordinaria. Il meglder access s‘haja davent da Zernez sur il Munt Baselgia e la Fuorcletta da Barcli. Pels prüms 600 meters dad otezza davent da Zernez fin a Plan Sech (cunfin dal god) po gnir organisà, sün preavis, ün taxi. Üna colonia da capricorns viva in quist territori. Davo la plazza per far la posa (chi’d es signalisada) pro‘l „Lai dal Dragun“ segua la schmuntada sur l‘Alp Zeznina ed inavant fin a Lavin.
Lavin es ideal sco lö da partenza per excursiuns e quai grazcha a la vicinanza da las valladas cunfinantas ed al bun access.
Istorgia dal fabricat
Il grond success da la Scoula da Paurs Lavin, fundada dal 1957, ed il schlargiamaint da la spüerta eir per duonnas, decisa dal 1960, han pretais bain svelt üna soluziun a reguard s-chaffir localitats da scolaziun adattadas. Las staintas intensivas da ravarenda Rico Parli han pussibiltà cha la società fundada nouv ha pudü cumprar ün edifizi d‘economia adattà e til ingrondir. Als 22 october 1961 ha gnü lö la festa d’inauguraziun da la chasa da scoula e da vacanzas. Il nomer da partecipantas e partecipants s’ha augmantà cuntinuadamaing da maniera cha dal 1980 ha gnü da gnir ingrondida la sala. I sun seguits plüs adattamaints plü gronds e plü pitschens (nouva chadafö etc.). Dürant ils ons 2013/14 sun gnüts isoladas las fatschadas e la tettaglia e nouvas fanestras sun gnüdas montadas. A l’intern sun gnüdas fattas, sper differentas lavurs da renovaziun, nouvas installaziuns sanitarias. Cun quista renovaziun cumplessiva vain nus megldrà nossa spüerta per bainquant. Il stabilimaint as rechatta actualmaing in ün bun stadi chi correspuonda plainamaing a las pretaisas d’hozindi.
La Chasa Fliana spordscha pustüt a scoulas e gruppas pussibiltats dad allogi adattadas. Numerusas persunas profitan da nossa spüerta chi contribuischa sgür al contact social culla populaziun da nossa regiun. La suprastanza da la società „Lö d’inscunter, Chasa Fliana, Lavin“, ed ils collavuraturs s’allegran da pudair spordscher a noss giasts da vacanzas ün allogi modern per ün predsch favuraivel.
Giubileum 50 ons scoula da paurs Lavin
Plan da fabrica
Chasa Fliana
Plan suot
Entrada vers süd ingio chi pon gnir depuonüts büschmainta, s-charpas ed ogets da sport. I sun avant man eir tualettas pella sala, ün local da lavar per colonias, la chadafö sco eir ün local da’s lavar ed ün local da tecnica.
Grundriss UG
Plan terrain
La sala serva sco local per mangiar, scolaziun e seminari e quai eir per arrandschamaints publics. La nouva terrassa dà daplü pussibiltats da trar a nüz la sala.
Grundriss EG
Prüm plan
Sper locals da durmir e da büro sun avant man trais stanzas da durmir cun 22 lets da chomp e cun las s-chaffas chi toccan pro. Sco installaziuns sanitarias stan a disposiziun trais duschas, duos tualettas ed ün büglin lungaint per as lavar.
Grundriss 1. OG
Seguond plan
Sper las duos stanzas dublas per manaders sun avant man duos stanzas da durmir cun dudesch lets da chomp e cun las s-chaffas chi toccan pro. Sco installaziuns sanitarias stan a disposiziun trais duschas, duos tualettas ed ün bügl lungaint per as lavar.
Grundriss 2. OG
Fatschada nord-ost cun la pittüra da Madlaina Demarmels
Ascensur da mangiativas
Plazzas da sport
Maisa da pingpong davant chasa, plazza da ballapè pro la chasa da scoula Lavin, trais minutas a pè.